Umsjónarkennarinn, þá og nú : „Kannski er þetta bara spurning um væntingar.“

Ritgerð þessi er skrifuð sem B.Ed. verkefni á Menntavísindasviði Háskóla Íslands og fjallar um hvernig starf umsjónarkennarans hefur breyst síðastliðin 20 ár og hvers vegna. Höfundur hefur starfað innan norsks grunnskóla síðan 2017 og hefur lengi heyrt umræðuna um þreytta kennara. Má leiða að því líkur að verkefni kennara, einna helst umsjónarkennara, hafi aukist umtalsvert. Við heimildaöflun er meðal annars farið yfir Aðalnámskrá grunnskóla, Lög um grunnskóla, hin gömlu Fræðslulög, áður gerðar rannsóknir á starfi og líðan kennara, lýsingu Heimilis og skóla á starfi umsjónarkennarans, hugtakið skóli án aðgreiningar sem og launa- og kjaramál. Að lokum eru störf hins íslenska og hins norska umsjónarkennara borin saman í gegnum eigindlega viðtalsrannsókn